У дзяржгазеце Рагачова прачнуліся: нарэшце з’явілася інфармацыя пра выбары
Кацярына Салаўёва
“Вылучэнне кандыдатаў у мясцовыя Саветы дэпутатаў будзе праходзіць у Беларусі з 14 лютага па 15 сакавіка...” – такое паведамленне з’явілася на афіцыйным сайце рагачоўскай дзяржаўнай газеты... 15 сакавіка.
Далей у паведамленні распавядаецца, хто мае права вылучаць кандыдатаў, як збіраюцца подпісы за іх вылучэнне і г. д. Убачыць тэкст можна тут: http://ss-smi.gomel-region.by/ru/numbers?art_id=1419&num_ID=182
Здавалася б, можна толькі вітаць такую інфармацыю. Калі б не дата размяшчэння матэрыяла: ён з’явіўся на сайце 15 сакавіка, гэта значыць – у апошні дзень, калі праводзілася вылучэнне кандыдатаў. Дата размяшчэння пададзена тут: http://ss-smi.gomel-region.by/ru/numbers?rart_ID=116 У гэты ж дзень размешчаны і ўсе іншыя матэрыялы на тэму выбараў.
Сайт інфармуе, што газета “Свабоднае слова” Рагачоўскага раёна – “найстарэйшае грамадска-палітычнае выданне Рэспублікі Беларусь, якое разлічанае на масавую аўдыторыю насельніцтва горада і раёна”. І выдае газету не абы хто: “заснавальнік газеты – Рагачоўскі раённы Савет дэпутатаў у асобе раённага выканаўчага камітэта, выдавец – Галоўнае ўпраўленне ідэалагічнай работы Гомельскага аблвыканкама.”
“Праваабаронцы за свабодныя выбары”
