Кіраўскі раён: Райвыканкам вызначыўся з месцамі для агітацыі

Размяшчаць агітацыйныя друкаваныя матэрыялы, звязаныя з выбарамі, у Кіраўскім раёне можна будзе на інфармацыйных тумбах у Кіраўску, на стэндах у будынках па месцы знаходжання участкаў для галасавання, а таксама ў спецыяльна адведзеных месцах, якія размяшчаюцца ў адміністратыўных будынках сельскіх выканкамаў, арганізацый, установаў культуры і адукацыі, аховы здароўя, аддзяленнях паштовай сувязі, арганізацый гандлю, інтэрнатах, комплексна-прыёмных пунктах.

Што тычыцца правядзення какндыдатамі ў дэпутаты сустрэч з выбаршчыкамі, то яны  дазволеныя ў памяшканнях Дамоў культуры, сельскіх клубах, дзіцячых школах мастацтваў і бібліятэках.

У той жа час месцаў, забароненых для правядзення масавых мерапрыемстваў (мітынгаў, сходаў, вулічных шэсцяў, дэманстрацый, пікетаванняў) падчас выбарчай кампаніі, таксама хапае.  Гэта, па традыцыі, самыя шматлюдныя месцы. У Кіраўску - цэнтральная плошча, гарадскі парк, рынак і вялікія вуліцы, а ў раёне – тэрыторыі побач з адміністратыўнымі будынкамі, цэнтрамі культуры і буйнымі гандлёвымі аб’ектамі.
“Праваабаронцы за свабодныя выбары”