Гародня: назіральніка ад БХК Рамана Юргеля не пусцілі на паседжанне акруговай камісіі

Сёння, 22 лютага, назіральніка ад БХК Рамана Юргеля не пусцілі на паседжанне Вішнявецкай акруговай камісіі №12 па выбарах дэпутатаў Гарадзенскага абласнога Савета.

Праваабаронцу не пусцілі на паседжанне, нягледзячы на тое, што ў пятніцу гэтая ж камісія зарэгістравала яго ў якасці назіральніка. Старшыня камісіі Сяргей Сямашка сёння патлумачыў Раману Юргелю, што цэнтральны офіс БХК не мае права вылучаць свайго прадстаўніка назіральнікам у рэгіянальныя камісіі.

Сам Сяргей Сямашка быў вылучаны ў склад акруговай камісіі ад грамадскага аб’яднання “Белая Русь”. Ён з’яўляецца галоўным ідэолагам Гарадзенскай ЖКГ, а таксама памочнікам дэпутата Вярхоўнага Савета Аляксандра Антоненкі.

“Праваабаронцы за свабодныя выбары”