viasna on patreon

Затрыманых “за сьцягі” вінавацяць у “нецэнзуршчыне”

2009 2009-10-30T13:51:53+0200 1970-01-01T03:00:00+0300 be https://spring96.org/files/images/sources/askerka_nasta.jpg
фота svaboda.org

фота svaboda.org

Алега Ладуцьку пакаралі штрафам у 30 базавых велічыняў.

Галіну Пярвушыну судзьдзя Перашамайскага суду Менску Вольга Багамьян пакарала штрафам на 15 базавых велічыняў.

13.30 Пачаўся працэс над Галінай Пярвушынай. Многіх людзей не пускаюць у судовую залю.

13.10 Суд Першамайскага раённага суду аштрафаваў Насту Аскерку на 525 тысяч рублёў за “нецэнзурную лаянку”. Наста абурана пастановай суду, і паведаміла, што будзе яе абскарджваць.

12.54 Наста Аскерка паведаміла Свабодзе, што яе ў судзе абвінавацілі ў тым, што яна нецэнзурна лаялася. Яна абвергла паказаньні міліцыянтаў, і сьцьвярджала, што менавіта супрацоўнікі міліцыі ўвесь час падчас затрыманьня ўжывалі нецэнзурныя выразы. Насту абурае, што яе затрымалі за тое, што яны вывешвала бел-чырвона-белы сьцяг, але абвінавацілі ў нецэнзурнай лаянцы.

Cёньня ў судзе Першамайскага раёну Менску разглядаюцца справы актывістаў кампаніі “Эўрапейская Беларусь”, якія вывесілі 29 кастрычніка каля ста бел-чырвона-белых сьцягоў на праспэкце Незалежнасьці ў Менску. Учора былі затрыманы Галіна Пярвушына, Наста Аскерка і Павал Ладуцька.

 

Апошнія навіны

Партнёрства

Сяброўства