Чым вахторцы не спадабаўся “Дзедзіч”?

Увечары 27 кастрычніка ў Берасці былі затрыманыя Іван Стасюк і Настасся Гурына. Міліцыю на моладзевых актывістаў выклікала вахторка інтэрната, у якім яны распаўсюджвалі бюлетэнь “Дзедзіч”.

Супрацоўнікі міліцыі даставілі І.Стасюка і Н.Гурыну ў РАУС Ленінскага раёна Берасця. Праз некаторы час актывістаў вызвалілі без складання пратаколаў.

Iнфармацыйна-аналiтычны бюлетэнь "Дзедзiч" – рэгіянальнае моладзевае выданне, арыентаванае на берасцейскіх студэнтаў. Друкуецца з лютага 2000г. Распаўсюджваецца бясплатна накладам у 299 асобнiкаў. На старонках “Дзедзіча” можна пачытаць артыкулы ад берасцейскіх студэнтаў на любыя цікавыя для моладзі тэмы - культура, гісторыя, экалогія, адпачынак, гумар.