На акцыях апазіцыі да журналістаў прыставяць прэс‑афіцэраў МУС

Беларуская міліцыя ў бліжэйшы час зменіць фармат працы на масавых, у тым ліку палітычных мерапрыемствах. Пра гэта паведаміў сёння журналістам намеснік міністра ўнутраных спраў Беларусі Яўген Полудзень.

Намеснік міністра растлумачыў, што ў бліжэйшы час на ўсіх масавых мерапрыемствах будуць прысутнічаць прэс‑афіцэры для ўзаемадзеяння са СМІ. Яны будуць апрануты ў сінія святлоадбівальныя камізэлькі. Акрамя таго, на мерапрыемствах будуць прысутнічаць супрацоўнікі міліцыі ў чырвоных святловяртальных камізэльках. Іх задачай будзе вядзенне перамоваў з грамадзянамі, якія не хочуць выконваць законныя патрабаванні уладаў.

Гэты вопыт беларускія міліцыянты перанялі ў нямецкіх паліцэйскіх. «У Германіі мы назіралі за мітынгі правых, левых і зялёных, вывучалі метады работы нямецкай паліцыі», — сказаў Яўген Палудзень.

Ён адзначыў, што ў Германіі ўсе ўдзельнікі любога масавага мерапрыемства праходзяць дагляд, «у нас жа гэтая практыка ўведзена нядаўна і шкада, што мы не дайшлі да гэтага раней».

Акрамя таго, у Германіі прэса не мае права здымаць буйным планам супрацоўнікаў праваахоўных органаў без іх дазволу. Гэты вопыт беларускія міліцыянты таксама плануюць перенять.