Актывіста апазіцыі збілі міліцыянеры
Супрацоўнікі Мастоўскага раённага аддзела ўнутраных спраў збілі актывіста партыі “Грамада”(БСДГ) Зміцера Кучуна.Бягучым часам законнасць дзеяння міліцыянтаў правярае пракуратура.
Супрацоўнікі праваахоўных ворганаў спрабавалі абвінаваціць Зміцера Кучуна ў непадпарадкаванні законным патрабаванням і дробным хуліганстве, але Суд Мастоўскага раёна накіраваў справу ў пракуратуру, якая павінна праверыць законнасць дзеяння міліцыянераў, паводзіны якіх апазіцыянер называе бандыцкімі:
- Я атрымаў некалькі ўдараў ззаду па галаве, пасля чаго чацвёра міліцыянтаў павалілі мяне на зямлю і пачалі біць нагамі.Мне складана назваць гэтых людзей супрацоўнікамі праваахоўных ворганаў-у маім уяўленні гэта проста бандыты.
Збіццё Зміцера Кучуна адбывалася на вачах яго жонкі. Пасля ўбачанага жанчына была вымушана звярнуцца за дапамогай медыкаў- у яе пачаліся праблемы з сэрцам.
