У Курапацкім лесе зноў зламаныя крыжы
https://spring96.org/be/news/30043
2009
2009-10-19T13:48:14+0300
2009-10-19T13:48:14+0300
1970-01-01T03:00:00+0300
be
https://spring96.org/files/images/sources/kurapaty.jpg
Крыжы ў Курапатах.
Невядомыя зламалі два крыжы ў Курапацкім лесе. Гэта заўважылі сябры КХП-БНФ, якія прыйшлі ў суботу на талаку.
Людзі прывезьлі дошкі, каб іх адрамантаваць і ўсталяваць зноў.
Нагадаем, на 1 лістапада заплянавана правядзеньне шэсьця, якое пачнецца ў Менску ад пляцоўкі ля Гадзіньнікавага завода, і мітынгу ў Курапацкім лесе. Таму ў бліжэйшыя выходныя зноў людзі выйдуць на талаку.
Уладзімер Юхо: «Сёньня я прыйшоў з інструмэнтам, бэнзакасілкай, касой і прыладамі. Плян, як заўсёды, прыбраць, кожную суботу мы гэта робім, спаліць сьмецьце і рыхтавацца да Дзядоў, якія адбудуцца 1 лістапада. Запрашаю ўсіх узяць удзел у сьвяце памінаньня продкаў».
