Палякова затрымалі за “Сацыяльную абарону”
Васіль Палякоў.
У Рагачове 29 верасьня супрацоўнікі міліцыі затрымалі старшыню Гомельскай абласной арганізацыі Аб’яднанай грамадзянскай партыі Васіля Палякова.
Як паведаміў БелаПАН лідэр гомельскай кааліцыі Аб’яднаных дэмакратычных сіл Уладзімір Кацора, 29 верасня ў райцэнтры актывісты апазіцыі распаўсюджвалі інфармацыйныя матэрыялы, у прыватнасці бюлетэнь «Сацыяльная абарона», выданы гомельскімі дэмакратамі. Паводле слоў Кацоры, да Палякова «падышла намеснік старшыні Рагачоўскага райвыканкама па ідэалогіі, узяла яго за рукаў і выклікала міліцыю». Супрацоўнікі РАУС даставілі апазіцыянера ў аддзел міліцыі, дзе ён даў тлумачэнні.
Распаўсюджванне ў Рагачове інфармацыйных матэрыялаў праходзіла ў межах кампаніі гомельскай кааліцыі АДС за вяртанне льгот сацыяльна неабароненым слаям насельніцтва.
