У Беларусі перасьледуюць сям’ю старшыні Саюза палякаў

Брат Анжалікі Борыс, непрызнаванай беларускімі ўладамі старшыні Саюзу палякаў Беларусі, павінен звольніцца з працы. Віктару Борысу, які працуе ў гарадзенскай міліцыі, запрапанавалі добраахвотна звольніцца.

Анжаліка Борыс паведаміла таксама, што ейны брат стане перад дысцыплінарнай камісіяй за тое, што ня выканаў загаду й не прывёз сястры-старшыні СПБ на адзін з допытаў.

Анжаліка Борыс заявіла, што кіраўнік гарадзенскай міліцыі тройчы папярэджваў яе, што калі ня спыніць сваёй дзейнасьці, то брат будзе мець праблемы. Таму цяперашнюю сытуацыю старшыня Борыс ацэньвае як шантаж і парушэньне правоў чалавека, паведаміла Польскае радыё.