Пікет супраць незаконнага прызыву ў войска прайшоў у Кіеве
Пікет супраць незаконнага прызыву ў войска
Актывісты Маладога Фронту правялі акцыю пратэсту супраць незаконнага прызыву ў войска апазыцыйных моладзевых актывістаў ля беларускай амбасады ў Кіеве.
Маладафронтаўцы арганізавалі санкцыянаваты пікет (дазвол быў дадзены цягам 2 гадзінаў!) ля будынку амбасады Беларусі ў Кіеве: юнакі разгарнулі расьцяжку "ГАНЬБА ГВАЛТОЎНАМУ ПРЫЗЫВУ! МАЛАДЫ ФРОНТ НЕ СПЫНІЦЬ" і крычалі лёзунгі: “Свабоду Шылу! Свабоду Хведаруку! Свабоду Вячорку”. Такім чынам моладзь выказвала пратэст супраць незаконнага і гвалтоўнага прызыву ў войска лідэраў апазыцыйных моладзевых арганізацый.
Па словах удзельнікаў акцыі, супрацоўнікі амбасады рэагавалі на пікет вельмі нэрвова, перыядычна выходзілі на вуліцу і прасілі міліцыянтаў суняць “бязладзьдзе”.
У акцыі прымаў удзел і палітвязень, прысуджаны па "справе 14-цьці" да "хатняй хіміі", Арцём Дубскі.
