Расстраляная літаратура

Зборнік з такой назвай пабачыў свет у мінскім выдавецтве "Кнігазбор". Ён складзены з твораў беларускіх пісьменнікаў, якія загінулі ў гады сталінізму.

Зборнік з'яўляецца своеасаблівай анталогіяй беларускай літаратуры першай паловы XX стагоддзя, у якой сабраны творы 66 пісьменнікаў, знішчаных сталінскім рэжымам у 1920—1950 гадах. Кніга прымеркавана да 70-годдзя піка масавых рэпрэсій 1937—1938 гадоў. Як паведамляе БелаПАН, у зборнік увайшлі творы такіх вядомых дзеячаў беларускага нацыянальнага адраджэння, як Аляксандр Уласаў, Язэп Лёсік, Аляксандр Цвікевіч, Антон Луцкевіч, Сымон Рак-Міхайлоўскі, Цішка Гартны, Вацлаў Ластоўскі і Макар Крыўцо, а таксама літаратараў, імёны якіх пакуль невядомыя.