Дзе падзеліся скрыні для датэрміновага галасавання?

Гародня

У Гародні на участку №4 Гродзенскай-Цэнтральнай выбарчай акругі назіральнікі пабачылі, што на ўчастку няма скрыні для датэрміновага галасавання. На рэзоннае пытанне да старшыні камісіі, дзе зараз знаходзіцца гэтая скрыня, той адказаў, што яна захоўваецца ў ягоным кабінеце ў сейфе. Колькі скрыня знаходзіцца без кантролю і ці сапраўды яна ў сейфе ці ў нейкім іншым месцы -- ніхто не ведае, бо скрыню назіральнікам так і не паказалі, а на ўчастку яна не з’явілася.

Горкі

На ўчастку №8 Горацкай акруговай выбарчай камісіі №81 старшыня камісіі, супрацоўнік райвыканкама Іосіф Булаш, адмовіўся паказаць назіральніку Ілле Заранку, дзе знаходзіцца ўрна з бюлетэнямі датэрміновага галасавання. На ўчастку яна адсутнічае.

“Праваабаронцы за свабодныя выбары”