Гародня: Участковыя камісіі адмаўляюцца даваць звесткі

У Гародні па Гродзенскай-Цэнтральнай выбарчай акрузе на некаторых участках прадстаўнікі ўчастковых камісій не хацелі даваць звесткі па выніках датэрміновага галасавання. Так, старшыня ўчастковай выбарчай камісіі №18, што размешчана ў Гарадзенскім дзяржаўным прафвучылішчы №49, двойчы нават ігнараваў загад прадстаўніка акруговай камісіі аб прадастаўленні інфармацыі. Прыблізна такая сітуацыя назіралася на ўчастках №4 і 41. Урэшце інфармацыя, пасля некалькіх тэлефанаваньняў у акруговую камісію, усё ж прадастаўлялася.

Надзвычай уражвае адсотак прагаласаваўшых датэрмінова. Так, на ўчастку №5 Гродзенскай-Цэнтральнай выбарчай акругі, на якім спярша не хацелі рэгістраваць назіральніка ад Партыі БНФ, датэрмінова прагаласавалі 592 выбаршчыкі з 1800. На ўчастку № 42 гэтай жа акругі ажно 1000 з 2050 выбаршчыкаў. А на ўчастку №21, дзе ў спісах выбарцаў шмат студэнтаў, ажно 58% (!)

“Праваабаронцы за свабодныя выбары”