Віцебск: Назіральнік ад аблвыканкама кіруе старшынёй камісіі
На 53 участку Віцебскай-Чкалаўскай выбарчай акругі №18 зарэгістравана шэсць назіральнікаў. Адзін - давераная асоба кандыдата, астатнія - ад структур улады. На дадзеным участку месцаў для назіральнікаў не прадугледжана. На апячатванні скрынкі для галасвання не было ні аднаго.
Назіральнік з’явіўся, як толькі журналіст звярнуўся да старшыні камісіі з просьбай паведаміць дадзеныя аб колькасці выбаршчыкаў, якія прагаласавалі датэрмінова і колькасці назіральнікаў. "Назіральніца" ад выканкама запатрабавала ў журналіста дакументы і загадала старшыне звесткі журналісту не падаваць. Старшыня паступіў па законе, але сам факт умяшання так званых назіральнікаў ад органаў ўлады насцярожвае…
Размешчаны ўчастак аналагічна ў двух пакоях. Калі назіральнікаў змесцяць у першай, то ні кабін, ні ўрны бачыць яны не змогуць. На 53-м участку датэрмінова прагаласавала 41 % выбарнікаў (1054 чал.).
"Праваабаронцы за свабодныя выбары”
