Магілёў: Не прагаласаваў датэрмінова – не атрымаеш месца ў інтэрнаце на наступны год

Пад такім лозунгам адбываецца мабілізацыя студэнтаў інтэрната №3 Магілёўскага дзяржаўнага ўніверсітэта імя А.Куляшова на датэрміновае галасаванне.

Студэнты скардзяцца назіральнікам, што ім пагражаюць такім спосабам і гоняць масава на выбарчыя ўчасткі.

Акрамя гэтага, стала вядома, што старасты ўсіх групаў МДУ атрымалі ўказанні скласці спісы ўсіх студэнтаў, хто прагаласаваў і хто не і перадаць іх у дэканат адразу пасля выбараў. Тут размова ідзе не толькі пра тых, хто прагаласаваў датэрмінова, але і пра тых, хто прагаласаваў у дзень выбараў.

“Праваабаронцы за свабодныя выбары”