МЗС Чэшскай Рэспублікі вітае заснаванне “Грамадзянскай Беларусі”
Міністэрства замежных спраў Чэшскай Рэспублікі вітае заснаванне Міжнароднага аб'яднання «Грамадзянская Беларусь», заснавальнікамі якога сталі былы намеснік старшыні Сената Ян Румл, сенатар Карэл Шварцэнберг і намесніца грамадскага праваабаронцы Ганна Шабатава.
МЗС ЧР лічыць, што выключна важна і неабходна ўсімі спосабамі падтрымліваць грамадзянскае грамадства ў Беларусі. Паводле слоў заснавальнікаў, якраз на гэта збіраецца скіраваць свае намаганні новае аб'яднанне. Такі ж намер мае і замежная палітыка Чэшскай Рэспублікі.
Становішча ўсіх тыпаў недзяржаўных арганізацый, незалежных сродкаў масавай інфармацыі, прафсаюзаў і апазіцыйных палітычных партый ў сучаснай Беларусі выклікае вялікі непакой. Насуперак крытыцы міжнароднага грамадства, ЕС і ААН рэжым Аляксандра Лукашэнкі доўгі час сістэматычна ўскладняе альбо робіць зусім немагчымай дзейнасць усіх тыпаў недзяржаўных арганізацый і пераследуе іх супрацоўнікаў, чым груба парушае палажэнні міжнародных канвенцый па правах чалавека, якія Беларусь прыняла на сябе абавязак выконваць.
(Прага, 9.6.2005)
