Ваўкавыская “Аслона” абскарджвае вынесенае ёй папярэджаньне.

Кіраўнік ваўкавыскага грамадзкага аб’яднаньня абароны правоў падаткаплацельшчыкаў і спажыўцоў “Аслона” Мікола Кавальчук падаў скаргу ў гарадзенскае абласное ўпраўленьне юстыцыі на вынесенае ягонай арганізацыі чарговае папярэджаньне. Паводле афіцыйнай версіі, “Аслону” папярэдзілі за неадпаведную яе задачам дзейнасць. У першую чаргу за аказаньне юрыдычнай дапамогі насельніцтву. Але кіраўнік арганізацыі сцвярджае, што менавіта гэтая дзейнасць і ёсць адным з галоўных прыярытэтаў грамадзкага аб’яднаньня. Тым больш, што бясплатна юрыдычныя парады можа даваць любы чалавек, які валодае юрыдычнымі ведамі.