Міёры: Наведваць сустрэчы з праўладнымі кандыдатамі можна ў працоўны час

Работнікам бюджэтнай сферы гарадскога пасёлку Ветрына (Міёрская выбарчая акруга № 24) было настойліва рэкамендавана наведаць сустрэчу з праўладным кандыдатам у Палату прадстаўнікоў Уладзімірам Скавародкам 3 верасня а 15 гадзіне.

На пытанне настаўнікаў Ветрынскай мастацкай школы, як быць з заняткамі, за якія бацькі вучняў, дарэчы, уносяць штомесячную плату, рэкамендатары заявілі, што заняткі – рэч неістотная, іх можна перанесці ці адмяніць. А вось быць на сустрэчы трэба абавязкова.

 “Праваабаронцы за свабодныя выбары”