Маладэчна: Вылучэнцы ў дэпутаты ад улады ўжо выступаюць па радыё

Да 28 жніўня 2008 г. уключна адбываецца рэгістрацыя кандыдатаў у дэпутаты Палаты прадстаўнікоў, але вылучэнцы ў дэпутаты ад улады ўжо даўно пачалі агітацыю.

Так, дакументы на рэгістрацыю кандыдатам у дэпутаты ў Маладзечанскую гарадскую выбарчую акруговую камісію №70 прадставіў дырэктар УО «Маладзечанскі дзяржаўны політэхнічны каледж» Мікалай Анатолевіч Жгун. Прэтэндэнта падтрымлівае мясцовая ўлада, таму ён ужо два разы адзначыўся вялікімі хвалебнымі артыкуламі з фотаздымкамі ў «Маладзечанскай газеце»: 09.08.2008 г. і 20.08.2008 г. і выступіў на мясцовым тэлебачанні.

Акрамя таго, 25.08.2008 г. у 18.10 Н.А. Жгун выступіў ужо па абласным FM радыё «Менская хваля».

Такім прэтэндэнтам усё можна, а вось пытанне распаўсюджвання друкаванага матэрыялу аб пазіцыі аб'яднаных дэмакратычных сіл было разгледжана акруговай камісіяй, і прэтэндэнт ад АГП А.У. Шумкевіч панёс пакаранне.

“Праваабаронцы за свабодныя выбары”