Маларыта: Камісія яшчэ не ўтворана, а старшыня ўжо ёсць

7 жніўня праваабаронца Уладзімір Малей падаваў у Маларыцкі райвыканкам заяву выбаршчыкаў аб вылучэнні яго ў склад участковай камісіі Маларыцкага-Чырвонаармейскага выбарчага участка №62 Мухавецкай выбарчай акругі №4.

Пасля падачы ім заявы прыйшла намеснік дырэктара Маларыцкага СПТВ Вера Талашка, якая здала ў камісію 11 пісьмовых заяваў ад прэтэндэнтаў у сябры камісіі. На пытанне Уладзіміра Малея: “Чаму вы здаеце ня толькі за сябе, але і за іншых?” спадарыня Талашка адказала: “Я - старшыня камісіі”.

Такім чынам, атрымліваецца, што склад участковых камісіяў, а таксама кандыдатуры іх старшыняў, намеснікаў і сакратароў былі загадзя разгледжаныя і зацверджаныя яшчэ да фарміравання саміх камісіяў.

“Праваабаронцы за свабодныя выбары”