Паўла Кур’яновіча арыштавалі на 15 сутак

Актывіст грамадзянскай кампаніі «Еўрапейская Беларусь» Павал Кур'яновіч асуджаны судом Маскоўскага раёну сталіцы на 15 сутак арышту па ілжывым абвінавачванні ў здзяйсненні «дробнага хуліганства». Ён быў затрыманы падчас штурму спецназаўцамі офісу арганізацыі «Малады Фронт».

У турме на Акрэсціна таксама знаходзяцца лідэры «Маладога Фронту» Артур Фінькевіч і Зміцер Дашкевіч, завочна асуджаныя да 7 суткаў арышту за ўдзел у першамайскай акцыі. У знак пратэсту лідэры «Маладога Фронту» абвясцілі ў турме галадоўку.