У Зэльве нішчаць парк

У Зэльве пачалася грамадская кампанія па зборы подпісаў у абарону гораду. Яе ініцыятарам выступіў Малады Фронт.

Акцыя будзе праходзіць у зьвязку з тым, што ўлады Зэльвы распачалі маштабную рэканструкцыю цэнтральнага парку. Пачалася “рэканструкцыя” з таго, што па прыкладзе гарадзенскіх уладаў, зэльвенскія пачалі сьпілоўваць дрэвы і кардынальна мяняць аблічча цэнтру. Жыхары Зэльвы намераны ў адпаведнасьці з законам “Аб зваротах грамадзян”, сабраўшы подпісы, накіраваць іх мясцовым уладам з патрабаваньнем высьветліць сітуацыю. Грамадзяне хочуць ведаць, хто зьяўляецца заказчыкам рэканструкцыі, колькі дрэваў плануецца сьпілаваць і наколькі мэтазгодна гэта рабіць, а таксама які каштарыс і паходжаньне бюджэту карэннай зьмены аблічча гораду.