У Жлобінскую акруговую камісію прадстаўніка апазіцыі не ўключылі
Па выніках утварэньня акруговых камісій у Жлобінскім раёне ня будзе ніводнага прадстаўніка апазіцыі. У двух суседніх раёнах – Рагачоўскім і Светлагорскім – у склад камісій увайшлі па аднаму прадстаўніку дэмакратычных партый. У Жлобінскай выбарчай акрузе ў склад акруговай камісіі быў вылучаны шляхам збору подпісаў грамадскі актывіст Анатоль Рыгоравіч Папоў. Аднак у склад камісіі ён уключаны ня быў.
У склад акруговай камісіі Рагачоўскай выбарчай акругі ўвайшоў Уладзімір Пятровіч Тамковіч – сябра Аб'яднанай грамадзянскай партыі Беларусі, які вылучаўся таксама шляхам збору подпісаў выбаршчыкаў.
У акруговую камісію Светлагорскай выбарчай акругі ўвайшла член Партыі камуністаў Беларускай Ірына Аляксандраўна Сарычава, вылучаная як шляхам збору подпісаў выбаршчыкаў, так і пленумам Цэнтральнага камітэта партыі.
"Праваабаронцы за свабодныя выбары"
