viasna on patreon

Магілёўскіх актывістаў дапусцілі да паседжаньня, на якім будуць зацвярджацца спісы акруговых выбарчых камісій

2008 2008-07-11T14:16:54+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

У Магілёве сумеснае паседжаньне аблвыканкама і прэзідыума аблсавета, на якім будзе зацвярджацца спіс сябраў выбарчых акругаў, пройдзе 14 ліпеня а 9-00 гадзіне ў актавай зале будынку аблвыканкама. Такі адказ атрымалі актывісты дэмакратычнага руху Барыс Бухель, Валеры Беразіенка і Рыгор Кастусёў, звяртаючыся з афіцыйным лістом да аблвыканкама, прэзідыума аблсавета і старшыні магілёўскага аблвыканкама Барыса Батуры. 

“Акрамя гэтага, - гаворыць праваабаронца Барыс Бухель, - мы прасілі каб усіх нас дапусьцілі на гэта паседжаньне, на што і далі дабро мясцовыя ўлады. У прадстаўнікоў улады не было іншага выйсьця, бо мы падавалі афіцыйны зварот”.

 “З допускам на такое паседжаньне ў нас была праблема толькі аднойчы, - распавядае Барыс Бухель, - калі недзе 7 год назад улада падманула нас– сказалі, што сумеснае пасяджэньне адбудзецца ў адзін час, а правялі яго ў іншы. Спадзяюся, што на гэты раз усё пройдзе, як і плануецца”.

“Праваабаронцы за свабодныя выбары”

Апошнія навіны

Партнёрства

Сяброўства