Барысаў: Працягваецца вылучэньне ў акруговыя камісіі

Сёньня, 2 ліпеня, прадстаўнік Аб'яднанай грамадзянскай партыі перадаў у Менскі аблвыканкам пратаколы збору Палітрады АГП аб вылучэньні прадстаўнікоў партыі ў акружныя выбарчыя камісіі. У прыватнасьці, для ўдзелу ў працы Барысаўскай гарадской акруговай камісіі №62 па правядзеньні парламенцкіх выбараў вылучаны старшыня Менскай абласной арганізацыі АГП барысаўчанін Леў Марголін.

Па меркаваньні Льва Марголіна, які раней двойчы вылучаўся па гэтай акрузе (раней ён меў № 77) у дэпутаты парламенту і абодва разы прайграў выбары кандыдату ад улады Віктару Гумінскаму, у склад камісіі ён не патрапіць, але спрабаваць усё роўна трэба.

Вылучаючы сваіх прэтэндэнтаў у склады акруговых камісій, апазіцыйныя дэмакратычныя партыі лічаць, што ўключэньне альбо неўключэньне ў іх склад прапанаваных кандыдатур стане адным з паказчыкаў намеру ўлад правесці свабодныя выбары.

“Праваабаронцы за свабодныя выбары”