viasna on patreon

У Магілёўскай вобласці тэрыторыі некаторых выбарчых акруг зьменены больш чым на 50 працэнтаў

2008 2008-07-01T13:14:42+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Самыя вялікія змены закранулі Крычаўскую і Быхаўскую выбарчыя акругі. Былая Касцюковіцкая выбарчая акруга была цалкам падзелена паміж суседнімі выбарчымі акругамі. Новай асобнай выбарчай акругай была вылучана Асіповіцкая выбарчая акруга.

Адрозненні паміж самай вялікай Магілёўскай-Ленінскай выбарчай акругай №84 і самай маленькай Бабруйскай-Ленінскай выбарчай акругай №78 складаюць 14,5%.

 

“Мая выбарчая акруга, па якой я збіраўся балатавацца, - гаворыць галоўны рэдактар крычаўскай незалежнай газеты “Вольны горад” Сяргей Няроўны, - ў параўнанні з мінулымі выбарамі змянілася больш чым на 50%. Да маёй акругі далучылі такія раёны, да якіх вельмі складана дабрацца і выбаршчыкі не так добра ведаюць мяне, як, напрыклад, у маім Крычаўскім раёне, але гэта мяне зусім не пужае”.

Раней Крычаўская выбарчая акруга ўключала Крычаўскі, Чэрыкаўскі і Чавускі раёны, а зараз яна ўключае ў сябе - Крычаўскі, Клімавіцкі і Хоцімскі.

“Дзякуючы таму, што газета “Вольны горад” распаўсюджваецца ў Клімавіцкім раёне, - гаворыць Сяргей Няроўны, - людзі мяне ведаюць. З Хоцімскім раёнам сітуацыя больш складаная, але дабярэмся і туды”.

Трэба адзначыць, што ад Магілёўскай вобласці ў Палату Прадстаўнікоў Нацыянальнага Сходу Беларусі будзе абрана 13 дэпутатаў. Ці атрымае ў вобласці, на гэты раз, хоць адзін парламенці мандат дэмакратычны кандыдат з 28 выказаўшых жаданне балатавацца пакажа толькі час.

"Праваабаронцы за свабодныя выбары" 

Апошнія навіны

Партнёрства

Сяброўства