Карэспандэнту баранавіцкай газеты "Intex-press" не дазволілі прысутнічаць падчас прыёму грамадзян першым намеснікам міністра ўнутраных спраў

Карэспандэнту баранавіцкай газеты "Intex-press" Аляксандру Чарненку не дазволілі прысутнічаць падчас прыёму грамадзян першым намеснікам міністра ўнутраных спраў Аляксандрам Шчурко.
Прыём праходзіў у памяшканні Баранавіцкага ГАУС 3 лютага. Аб сваёй прысутнасці карэспандэнт папярэдне дамовіўся з прэс-сакратаром ГАУС Наталляй Сідзельнік. Але, калі на наступны дзень ён прыйшоў у будынак аддзела ўнутраных спраў, яму не толькі не дазволілі прысутнічаць у кабінеце, але і забаранілі размаўляць у калідоры з наведнікамі, што прыйшлі да намесніка міністра. Адказаў на пытанні, на якой падставе яму забаранілі прысутнічаць на прыёме і ад каго зыходзіла забарона, карэспандэнт не атрымаў, паведаміла БАЖ.