Павал Наздра патрабуе пракурорскай праверкі

13 сакавіка Павал Наздра, сябра аргкамітэта па стварэньні «Беларускай Хрысьціянскай Дэмакратыі» падаў заяву ў пракуратуру з просьбай правесьці пракурорскую праверку па факту парушэньня яго наймальнікам дзейснага працоўнага заканадаўства.

Справа ў тым, што кіраўніцтва Мазырскага дзяржаўнага педагагічнага універсітэта імя Мележа, дзе Павал Наздра працуе электрыкам, вырашыла пазбавіць яго працоўнага месца з-за грамадскай актыўнасьці.

Паўлу было прапанавана звольніцца па ўласным жаданьні, але той не пагадзіўся, на што ягоны начальнік паведаміў, што яму быў дадзены загад прарэктарам па адміністрацыйна-гаспадарчай працы МДПУ В.Івановым зрабіць вымову электрыку за адсутнасьць на працоўным месцы і не працягваць кантракт.