8 сьнежня суд Фрунзенскага раёну г. Мінска прыняў рашэньне пра перанос разгляду адміністратыўных справаў актывістаў руху «Зубр».

Суд па справе Андрэя Баранава адбудзецца 10 сьнежня, па справе Максіма Венярскага - 17 сьнежня.

7 сьнежня “Зубры” былі затрыманыя за распаўсюд газеты з заклікам прыходзіць 10 сьнежня на акцыю, прысьвечаную чарговым угодкам абвяшчэньня Усеагульнай дэкларацыі правоў чалавека. Ноч пасьля затрыманьня маладыя людзі правялі ў сьпецпрыёмніку-разьмеркавальніку на вул. Акрэсьціна ў Мінску.