Віцебскіх апазіцыянераў вязуць у суд

Сёньня падчас правядзеньня акцыі ўшанаваньня ахвяраў сталінскіх рэпрэсіяў ва ўрочышчы Паляі каля Віцебску былі затрыманыя 27 мясцовых прадстаўнікоў грамадзкасьці. Усіх на аўтобусе даставілі ў міліцэйскі пастарунак, дзе правялі апытаньне. Двух незалежных журналістаў Вадзіма Баршчэўскага і Алену Сьцяпанаву, якія мелі пры сабе пасьведчаньні  карэспандэнтаў "Віцебскага кур'ера, адпусьцілі адразу.

Пасьля дачы тлумачэньняў на 5 дэмакратычных актывістаў, якія выступалі альбо трымалі ў руках бел-чырвона-белыя сьцягі, склалі адміністратыўныя пратаколы за ўдзел у несанкцыянаваным мерапрыемстве - гэта Барыс Хамайда, Зьміцер Якаўлеў, Сяргей Белязека, Сяргей Каваленка і Ян Талпыга. Зараз іх па інфармацыі праваабаронцы Леаніда Сьвеціка,  вязуць у суд.