Затрыманьні актывістаў руху “За Свабоду” ў Смалявічах

Учора міліцыя затрымала 9 маладых актывістаў руху “За Свабоду”

12 чалавек у цэнтры горада раздавалі газэту “Свабода”. Некалькі чалавек стаялі зь бел-чырвона-белым сьцягам у цэнтры горада. Пасьля гэтага моладзь групай прайшла па вуліцах і распаўсюджвала сярод мінакоў газэту.

Міліцыянты затрымалі 9 чалавек. Сярод іх ёсьць непаўналетнія. Супрацоўнікі Смалявіцкай міліцыі адпусьцілі ўсіх затрыманых пасьля таго, як зьнялі ў іх адбіткі пальцаў. Некаторыя актывісты напісалі тлумачэньні наконт таго, што рабілі ў горадзе.
Міліцыянты пакінулі газэты ў пастарунку.

Артур Эсбаеў паведаміў “Свабодзе”, што яму далі позву ў міліцыю на 8 кастрычніка. Міліцыянты патлумачылі, што ім трэба дапытаць яго ў якасьці сьведкі.