Актывіста Барыса Хамайду міліцыя папярэдзіла па-добраму

Сёньня раніцай у Віцебску быў затрыманы найстарэйшы мясцовы апазіцыянер, распаўсюднік незалежнага друку Барыс Хамайда.

Як стала вядома ПЦ “Вясна”,  прыкладна ў 11 гадзін да яго падыйшлі міліцыянты і адвезьлі ў Чыгуначны РАУС. Пасля прафілактычнай гутаркі праз паўгадзіны Хамайду адпусьцілі, папярэдзіўшы, каб сёньня яго на вуліцах горада больш не бачылі. Прычыну растлумачылі досыць проста: “Вы самі ведаеце чаму”. Справа ў тым, што на адкрыцьцё “Славянскага базару” плануе прыбыць кіраўнік дзяржавы. Таму мясцовая міліцыя і нервуецца: як бы чаго не здарылася. Менавіта таму, віцебскіх уладальнікаў аўто папярэджваюць, каб не спыняліся і не пакідалі аўтамабіляў  на цэнтральных вуліцах горада.