Праваабарончая праграма "Вясна"
Кожны аўторак у 19:05 па беларускім часе у эфіры незалежнай радыёстанцыі "Беларускае Радыё Рацыя" — праграма "Вясна", якая асвятляе падзеі, датычныя правоў чалавека.
Прэм'еру ў эфіры анлайн можна паслухаць праз інтэрнэт тут альбо тут (калі не адкрываецца, то карыстайцеся VPN). А таксама 98,1 FM для Гродна і 99,2 FM для Брэста.
(Анонсы папярэдніх выпускаў глядзіце тут).
Анонс на 26 сакавіка:
Асоба: Як Дзень волі адзначаўся ў няволі? І што значыць гэтае свята асабіста? Пра гэта распавядае экс-палітзняволеная Алана Гебрэмарыям.
Падзея: Выстава "Кабыляцкая гара. Месца памяці і смутку" адкрылася ў Вільні (Літва) на тэрыторыі мемарыяльнага парка Тускуленай. Выстава прысвечана аднаму з месцаў масавых расстрэлаў у Беларусі ў часы сталінскіх рэпрэсій на Аршаншчыне. А стваральнік выставы — нашчадак некалькіх пакаленняў рэпрэсаваных, дырэктар Беларускага інстытута публічнай гісторыі Ігар Станкевіч.
Каментар: У Жэневе ў межах 55-й сесіі Савета па правах чалавека адбыўся сайд-івэнт, які быў прысвечаны пацярпелым ад палітычных рэпрэсіяў у Беларусі.
