27 сакавіка ў Брэсьце была затрыманая Алеся Пукала -- за распаўсюд ўлетак з заклікам прыйсьці на стадыён “Будаўнік” у суботу 27 на мітынг “Беларускаму народу – дастойнае жыццё”, арганізаваны мясцовымі лідарамі кааліцыі 5+.

Правабаронца з Брэсту Уладзімір Вялічкін накіраваўся ў Маскоўскі РАУС г. Брэста куды была дастаўленая затрыманая, яе абінавачвалі ў парушэньні арт. 172 КаАП РБ Пасьля перамоваў з супрацоўнікамі міліцыі і шматлікіх кансультацыяў апошніх з вышэйстаячым кіраўніцтвам Алеся Пукала была “передадзеная на рукі пад адказнасьць” У. Вялічкіна.