Праваабарончая праграма "Вясна" на Беларускім Радыё Рацыя
Кожны аўторак у 20:05 па беларускім часе (паўтор у суботу ў 7:00) у эфіры незалежнай радыёстанцыі "Беларускае Радыё Рацыя" — праграма "Вясна", якая асвятляе падзеі, датычныя правоў чалавека.
Прэм'еру ў эфіры анлайн можна паслухаць праз інтэрнэт тут альбо тут (калі не адкрываецца, то карыстайцеся VPN). А таксама 98,1 FM для Гродна і 99,2 FM для Брэста.
(Анонсы папярэдніх выпускаў глядзіце тут).
Анонс на 30 траўня:
Каментар эксперта: Маскоўскі механізм і даклад “Аб сур'ёзнай пагрозе чалавечаму вымярэнню АБСЕ ў Беларусі з 5 лістапада 2020 года”— размова з Паўлам Сапелка.
Па-за межамі: Суддзя Вярхоўнага суда Беларусі Ігар Любавіцкі разгледзеў апеляцыйную скаргу на прысуд журналісту і актывісту польскай меншасці ў Беларусі Анджэю Пачобуту і пакінуў яго без зменаў. З гэтай нагоды ля будынка Генеральнага консульства Рэспублікі Беларусь адбылася акцыя салідарнасці з Анджэем Пачобутам, а таксама ўсімі палітзняволенымі ў Беларусі.
Асоба: “На Акрэсціна абыходзяцца як са свалачамі”. Расповед былой палітзняволенай Інгі Рэйдольф.
Каментар: Кацярына Бахвалава (Андрэева) ужо два з паловай гады ў зняволенні, Аляксандр Кардзюкоў правёў 1000 дзён за кратамі, а Андрэй Будай — амаль два гады. Пра палітвязняў распавядаюць іх сваякі.
