Праваабарончая праграма "Вясна" на Беларускім Радыё Рацыя
Кожны аўторак у 20:05 па беларускім часе (паўтор у суботу ў 7:00) у эфіры незалежнай радыёстанцыі "Беларускае Радыё Рацыя" — праграма "Вясна", якая асвятляе падзеі, датычныя правоў чалавека.
Прэм'еру ў эфіры анлайн можна паслухаць праз інтэрнэт тут альбо тут (калі не адкрываецца, то карыстайцеся VPN). А таксама 98,1 FM для Гродна і 99,2 FM для Брэста.
(Анонсы папярэдніх выпускаў глядзіце тут).
Анонс праграмы на 6 снежня:
Падзея: Міжнародны дзень валанцёра адзначыўся 5 снежня. Навошта быць валанцёрам, што можна рабіць і як змянілася валанцёрства ў “Вясне” апошнім часам — адказвае прадстаўніца Валанцёрскай службы “Вясны” Любоў.
Каментар: Набліжаецца цырымонія ўручэння Нобелеўскай прэміі, але яе лаўрэат Алеcь Бяляцкі туды трапіць не зможа. Пра гэта ды не толькі — у размове з жонкай палітзняволенага праваабаронцы Наталляй Пінчук.
Асоба: Служыў паніхіду па Бандарэнку і трымаў галадоўку. Уладзіслаў Багамольнікаў — святар за кратамі.
Па-за межамі: У Беларускім Моладзевым хабе можна пабачыць выставу "Minsk antizoo. Red mark", прысвечаную палітзняволеным жанчынам. А таксама далучыцца да ініцыятывы “Напішы ліст палітвязню”. Нядаўна гэты праект адзначыў сваю гадавіну.
