Менскія ўлады не далі дазволу актывістам Маладога Фронту на правядзеньне 14 лютага ў цэнтры гораду шэсьця з нагоды Дня сьвятога Валянціна.

Чыноўнікі матывуюць сваё рашэньне тым, што закон забараняе праводзіць масавыя вулічныя мерапрыемствы паблізу будынкаў дзяржаўных установаў і дыпляматычных місіяў. Нягледзячы на забарону, маладафронтаўцы зьбіраюцца правесьці шэсьце менавіта ў цэнтры Менску. Як паведаміў карэспандэнту Радыё Свабода лідэра маладафронтаўцаў Павел Севярынец, удзельнікі акцыі наведаюць амбасады заходніх краінаў, дзе перададуць дыпляматам адмысловыя віншаваньні. Шэсьце будзе праходзіць пад лёзунгамі “Мы любім Эўропу! Мы любім Беларусь!”

Акцыя маладафронтаўцаў на Дзень сьвятога Валянціна будзе праходзіць у Менску ўжо восьмы раз. За ўсе гэтыя восем гадоў улады толькі аднойчы далі дазвол на яе правядзеньне.