Праваабарончы цэнтр «ВЯСНА»

Навіны за Сьнежань 2014

29.12.2014 Міліцыя не знайшла паклёпнікаў на журналіста

Аляксандр Буракоў атрымаў адказ з міліцыі, у якім гаворыцца, што ўстанавіць асоб, якія здзейснілі на яго паклёп, немагчыма. Калі ж будзе гэтая асоба знойдзена, то яе прыцягнуць да адказнасці па арт. 9.3 КаАП Рэспублікі Беларусь, пра што журналіст будзе ўведамлены дадаткова.

29.12.2014 Журналіст абскарджвае нядопуск на пасяджэнне Магілёўскага абласнога Савета дэпутатаў

Адпаведную скаргу на дзеянні службовых асоб падаў у Магілёўскі абласны суд журналіст інфармацыйнай кампаніі навін БелаПАН Уладзімір Лапцэвіч. Ён хоча, каб суд прызнаў незаконнымі дзеянні старшыні Магілёўскага аблсавета спадара Ісачанкі і спецыяліста Магілёўскага аблсавета спадара Нальгачава.

29.12.2014 Вясёлых святаў і шчаслівага новага году!

Сябры, нават у тых складаных умовах, якія чакаюцца ў наступным годзе, жадаем усім не губляць аптымізму і актыўнасці, гаварыць і рабіць тое, што палепшыць нашае жыццё, бараніць свае правы і незалежнасць Беларусі! І няхай галоўным крытэрам у нашых справах будзе жаданне мець справядлівае грамадства - мабыць, гэта і ёсць асноўная мэта, якая можа забяспечыць нармальнае далейшае жыццё для беларускага народу.

29.12.2014 Уладзіміру Шылу вярнулі кампутарную тэхніку

Салігорскаму актывісту Уладзіміру Шылу вярнулі кампутарную тэхніку, вынятую пад час агляду яго дома ў верасні ў межах праверкі па так званай “справе аб распаўсюдзе парнагарфічных матэрыялаў”. Ніякіх незаконных матэрыялаў на кампутары і мадэме супрацоўнікай міліцыі за гэты час так і не выявілі.

29.12.2014 Лукашэнка падпісаў антынаркатычны Дэкрэт

Аляксандр Лукашэнка 28 снежня падпісаў дэкрэт «Аб неадкладных мерах па процідзеянні незаконнаму абароту наркотыкаў». Дэкрэт набывае моц 1 студзеня 2015 года.

29.12.2014 Суд над кнігарняй «Логвінаў» пачнецца 5 студзеня

Суд над кнігарняй «Логвінаў» пройдзе 5 студзеня ў Эканамічным судзе (Мінск, вул.Акадэмічная 15, корпус 1). Пачатак а 15-00, паведамляецца на старонцы кнігарні ў Facebook.

29.12.2014 Юры Рубцоў: У мяне ўсё нармальна

Юры Рубцоў абверг інфармацыю некаторых СМІ пра тое, што ён нібыта абвясціў галадоўку: „У мяне ўсё нармальна ва ўмовах хіміі”, – паведаміў актывіст.

27.12.2014 Сяргей Каваленка арыштаваны на 10 сутак

Трое сутак да суда віцебскі актывіст КХП БНФ ужо адбыў у ІЧУ, трымаючы галадоўку. Ён быў змешчаны пад варту 24 снежня – у той дзень у Віцебску быў вывешаны бел-чырвона-белы сцяг. На судовы працэс Сяргея Каваленку прывезлі ў кайданках, што асабліва абурыла сваякоў і праваабаронцаў.

27.12.2014 Конкурс “Мае правы – маё жыццё” падоўжаны да 25 студзеня

Грамадская ініцыятыва “Тутэйшыя” запрашае да ўдзелу: ствары крэатыўную працу на тэму правоў чалавека - эсэ, відэаролік, калаж, музычную кампазіцыю, дашлі арганізатарам ды будзь гатовы стаць пераможцам!

27.12.2014 Праваабаронцу Барысу Бухелю – 60!

Праваабарончы цэнтр “Вясна” віншуе свайго сябра, магілёўскага праваабаронцу Барыса Бухеля, які сёння, 27 снежня, адзначае 60-годдзе!

27.12.2014 Супрацоўнікі пракуратуры Азербайджана апячаталі офіс Радыё «Свабода» ў Баку

У выніку праца медыя аказалася фактычна паралізаванай. Гэта спроба азербайджанскіх уладаў абмежаваць дзейнасць найбуйнейшага незалежнага СМІ ў краіне, — лічыць галоўны рэдактар азербайджанскай службы Радыё «Свабода» Кенан Аліеў.

26.12.2014 Салігорск: Пракуратура адфутболіла скаргу праваабаронцы

Пракуратура Салігорскага раёна не стала рэагаваць на забарону Салігорскім райвыканкамам пікета да Дня правоў чалавека і на неадэкватныя дзеянні галоўнага ідэолага, які з публічнага рашэння выканкаму зрабіў дзяржаўную таямніцу.

26.12.2014 Татальнай высечкі салігорскага лесапарку не будзе

Салігорскія ўлады здолелі пераканаць вышэйшае кіраўніцтва краіны ў неабходнасці пашырэння межаў горада за кошт ворных земляў ААТ “Старобінскі”. Атрыманне гэтага дазволу выратуе гарадскі лесапарк ад татальнага знішчэння.

26.12.2014 Брэст: пракуратура не знайшла парушэнняў закона ў дзеяннях дэпутатаў гарадскога Савета

Гэта вынікае з адказу, які атрымалі на свой ліст актывісты грамадзянскай ініцыятывы “Сацыяльны офіс”, што збіраліся прыцягнуць увагу нагляднага органа да фактаў ігнаравання дэпутатамі норм заканадаўства аб зваротах грамадзян.

25.12.2014 Сяргей Каваленка затрыманы ў Віцебску

У Віцебску 24 снежня невядомыя актывісты вывесілі на шматпавярхоўцы ў цэнтры горада вялікі бел-чырвона-белы сцяг, як мяркуецца, у падтрымку Юрася Беленькага, якога аштрафавалі перад Калядамі ў трэці раз.