Праваабарончы цэнтр «ВЯСНА»

Навіны за 4 сьнежня 2014

04.12.2014 З прадпрыемства “Граніт” у Мікашэвічах звольнілі яшчэ аднаго актывіста незалежнага прафсаюза

Адміністрацыя РУП “Граніт”не працягула працоўны кантракт з кіроўцам БелАЗа Уладзімірам Крывавым, спаслаўшыся на парушэнне з яго боку тэхнікі бяспекі, якое здарылася яшчэ вясной гэтага года.

04.12.2014 Уладзімір Лабковіч: Выбары ў Малдове былі сапраўды дэмакратычнымі і адкрытымі

"Праводзячы паралель паміж выбарамі ў Малдове і Беларусі, можна адзначыць дзве рэчы, які практычна адсутнічаюць у нашай краіне: свабодная магчымасць агітаваць і справядлівы празрысты падлік галасоў".

04.12.2014 Ваўкавыскі раённы суд пакараў штрафам яшчэ аднаго прысутнага на Дні памяці ў Свіслачы

4 снежня яшчэ адзін прысутны на Дні памяці паўстанцаў 1863 году, што адбываўся 26 кастрычніка бягучага году ў Свіслачы і Якушоўцы, Віталь Гуляк быў аштрафаваны за нібыта “удзел у несанкцыянаваным мерапрыемстве”.

04.12.2014 Беларусь: палітычны клімат vs грамадзянская супольнасць (ВІДЭА)

Праваабаронцы Алена Танкачова і Алесь Бяляцкі ў праграме «Размова на траіх» з палітыкам Анатолем Лябедзькам (АГП-ТВ).

04.12.2014 Маці расстралянага гамельчука звярнулася ў Канстытуцыйны Суд

Вольга Грунова просіць Канстытуцыйны Суд звярнуць увагу на калізіі Крымінальна-выканаўчага кодэкса, які забараняе выдаваць целы пакараных смерцю і паведамляць пра месцы іх пахавання, што супярэчыць Канстытуцыі Беларусі і Міжнароднаму пакту аб грамадзянскіх і палітычных правах.

04.12.2014 Салігорскія ўлады забаранілі пікет да Дня правоў чалавека

Намеснік старшыні па ідэалагічнай працы Салігорскага райвыканкаму Мікалай Маскевіч не дазволіў мясцовым прадстаўнікам Беларускага Хельсінскага Камітэту правядзенне на Цэнтральнай плошчы гораду пікета, прымеркаванага да міжнароднага Дня правоў чалавека.

04.12.2014 Палітвязня Мікалая Дзядка будуць судзіць за злоснае непадпарадкаванне

Палітычнаму зняволенаму Мікалаю Дзядку ў Магілёўскай турме №4 правялі псіхолага-псіхіятрычную экспертызу, – пра гэта даведалася ягоная жонка Валерыя Хоціна.