Праваабарончы цэнтр «ВЯСНА»

Навіны за 16 сьнежня 2014

16.12.2014 “Кухня TV”: Абмеркаванне законапраекта «Аб альтэрнатыўнай службе»

У другім выпуску праваабрончага відэапраекта "Кухня TV" старшыня праўлення Цэнтра прававой трансфармацыі “Lawtrend” Алена Танкачова, намеснік старшыні ПЦ “Вясна” Валянцін Стэфановіч і супрацоўнік Цэнтра прававой трансфармацыі Міхаіл Мацкевіч абмяркоўваюць законапраект «Аб альтэрнатыўнай службе».

16.12.2014 Андрэй Гайдукоў параўнаў умовы ўтрымання ў ЦІПе Наваполацка з умовамі ў СІЗA

Актывіст распавёў правабаронцам новыя падрабязнасці гэтых судоў, а таксама пра ўмовы ўтрымання ў Наваполацкім цэнтры ізаляцыі правапарушальнікаў.

16.12.2014 Баранавічы: барацьба за беларускамоўны клас працягваецца

Грамадская актывістка Таццяна Малашчанка атрымала ліст за подпісам намесніка міністра адукацыі Віктара Якжыка, у якім паведамляецца, што Міністэрства адукацыі сумесна з упраўленнем адукацыі Брэсцкага аблвыканкама разгледзелі калектыўны зварот бацькоў навучэнцаў гімназіі № 4 г. Баранавічы аб адкрыцці беларускамоўнага класа.

16.12.2014 А.Залеўскі: Дзяржава сама ставіць журналістаў у нелегальнае становішча

Услед за двума адміністрацыйнымі штрафамі незалежнаму журналісту вынесена пракурорскае папярэджанне.

16.12.2014 У судзе Бярозаўскага раёна будзе разгледжана справа журналісткі-фрылансера

Незалежная журналістка Тамара Шчапёткіна атрымала позву ў суд Бярозаўскага раёна. Судовы працэс адбудзецца 17 снежня ў 14.30. Працэс будзе весці суддзя Наталля Вакульчык. Тамару Шчапёткіну абвінавачваюць у незаконным вырабе прадукцыі сродкаў масавай інфармацыі.

16.12.2014 Вынясенне рашэння з выбачэннямі суддзі

Упершыню за ўсе шматлікія судовыя разбіральніцтвы бярозаўскія праваабаронцы пачулі прабачэнне ад суддзі Брэсцкага абласнога суда Святланы Слюсар пасля агалошвання рашэння не на іх карысць. Праваабаронцы прасілі адмяніць рашэнне суда Бярозаўскага раёна аб прызнанні законнай забарону Бярозаўскім райвыканкамам пікета.

16.12.2014 Святлану Куль-Сяльверставу звальняюць з універсітэта

Доктару гістарычных навук з Гарадзенскага дзяржуніверсітэта Святлане Куль-Сяльверставай не працягнулі кантракт з-за «малой публікатарскай дзейнасці». Хоць за апошнія пяць гадоў выходзіць чацвёртая ейная кніга.

16.12.2014 Шклоў: Рыгора Кастусёва будуць судзіць

16 снежня ў памяшканні Шклоўскага РАУС супрацоўнікі мясцовай міліцыі азнаёмілі намесніка старшыні Партыі БНФ Рыгора Кастусёва з пратаколам аб адміністрацыйным правапарушэнні, нібыта здзейсненым палітыкам падчас адзначэння Дня памяці паўстанцаў Кастуся Каліноўскага ў Свіслачы.

16.12.2014 Гродна: касацыйныя скаргі Вольгі Крапоцінай і Уладзіміра Хільмановіча не задаволены

16 снежня ў Гродзенскім абласным судзе прайшоў разгляд касацыйных скаргаў грамадскай актывісткі Вольгі Крапоцінай і праваабаронцы і публіцыста Уладзіміра Хільмановіча.

16.12.2014 Васіль Парфянкоў: У жылой зоне калоніі я правёў толькі 29 дзён

Былы палітвязень Васіль Парфянкоў, які вызваліўся 5 снежня пасля адбыцця пакарання з папраўчай калоніі №9 ў Горках, распавёў пра некаторыя ўмовы ўтрымання ў калоніі і аб усталяванні над ім прэвентыўнага нагляду тэрмінам на 1 год.

16.12.2014 Шведскія праваабаронцы заклікаюць Мінюст адклікаць пазоў аб ліквідацыі “Мемарыяла”

Civil Rights Defenders, Amnesty International у Швецыі, Шведскі Фонд па правах чалавека і Östgruppen 16 снежня накіравалі адкрыты ліст міністру юстыцыі Расіі Аляксандру Канавалаву.

16.12.2014 ААН: ад пачатку канфлікту на ўсходзе Украіны забітыя 4707 чалавек

Місія назіральнікаў ААН па правах чалавека на Украіне заявіла, што ад пачатку канфлікту на ўсходзе Украіны забітыя 4 707 чалавек, 10 322 чалавекі былі параненыя.

16.12.2014 Праваабарончая праграма “Людзьмі звацца!” на Беларускім Радыё Рацыя

“Падзея тыдня”: мерапрыемствы з нагоды Дня правоў чалавека, прысвечаныя праблеме беларускіх палітвязняў. “Асоба. Дзяржава. Грамадства”: госць рубрыкі - дэпутат Сейма Літвы Далья Куадзіта, якая ўзяла пад свой патранаж кампанію “Праваабаронцы супраць смяротнага пакарання ў Беларусі”.