Праваабарончы цэнтр «ВЯСНА»

Навіны за 22 сьнежня 2014

22.12.2014 Заява ГА “Беларуская асацыяцыя журналістаў” з нагоды масавай блакіроўкі сайтаў

Пачынаючы з 19 снежня некалькі інфармацыйных інтэрнэт-рэсурсаў у Рэспубліцы Беларусь падвергліся блакіроўцы. Большасць з іх застаецца недаступнай на тэрыторыі краіны па сённяшні дзень.

22.12.2014 На «хіміі» Рубцову зрабілі заўвагу і адабралі нож

У папраўчай установе Юры Рубцоў, які не прызнае сябе вінаватым, адмаўляецца падпісваць любыя паперы.

22.12.2014 Светлагорск: інваліда 1 групы суд пакараў штрафам за правядзенне пікета ў абарону правоў людзей з інваліднасцю

Сёння, 22 снежня, у судзе Светлагорскага раёну адбыўся разгляд адміністрацыйнай справы ў дачыненні інваліда-вазочніка 1 групы Юрыя Ляшэнкі. Жыхар Гомеля 25 лістапада спрабаваў зладзіць пікет каля будынку райвыканкаму.

22.12.2014 Юрый Рубцоў выехаў у Куплін для адбыцця пакарання (абноўлена)

Актывіст з Гомеля Юрый Рубцоў, якога абвінавацілі ў абразе суддзі, будзе адбываць пакаранне ў папраўчай установе адкрытага тыпу № 7 у вёсцы Куплін Пружанскага раёна. Пра гэта Рубцоў напісаў у сваім facebook учора ўвечары. Інфармацыя будзе дапаўняцца.

22.12.2014 Баранавіцкаму актывісту Зміцеру Палойка забаронена пакідаць Беларусь

Грамадскі актывіст Зміцер Палойка, які быў асуджаны судом Баранавіцкага раёна і горада Баранавічы за дробнае хуліганства па арт. 17.1 КаАП на 10 сутак арышту, 21 снежня выйшаў на волю. Нягледзячы на глыбокую ноч каля будынка гарадской міліцыі яго сустрэлі грамадскія актывісты і адвезлі да месца жыхарства.

22.12.2014 Магілёўская міліцыя заблыталася

Пасля шэрагу скаргаў з нагоды паклёпаў на сайце voskresinfo.com у магілёўскую міліцыю і пракуратуру магілёўскія грамадска-палітычныя актывісты і журналісты пачалі атрымліваць пісьмовыя адказы. Па выніку адказаў з міліцыі стала вядома, што адзін і той жа сайт знаходзіцца ва Украіне і Расіі адначасова.

22.12.2014 Салігорская медыяпрастора не зведала пазітыўных зменаў

Вынікі маніторынгу мясцовых сродкаў масавай інфармацыі прымушаюць праваабаронцаў канстатаваць адутнасць станоўчых тэндэнцый са свабодай слова ў рэгіёне. З іншага боку, падвышэння градусу рэпрэсій і пераследу незалежных СМІ ў беларускай сталіцы шахцёраў сёлета таксама не назіралася.

22.12.2014 Магілёўскае КДБ выклікае на размову падпісантаў ліста Мікалаю Лукашэнку

"Бацькі, якія падпісаліся пад зваротам, зрабіць рамонт дарожкі і прывесці тэрыторыю сярэдняй школы №33 горада Магілёва ў належны стан, выклікаліся цягам двух месяцаў у КДБ, дзе ў іх пыталі, чаму яны паставілі свой подпіс пад зваротам", - кажа Аляксей Паўлоўскі.

22.12.2014 Рух «За Свабоду» патрабуе спыніць інфармацыйную блакаду

Заява Руху «За Свабоду» у сувязі з спробамі беларускіх уладаў увесці фільтрацыю інфармацыі пра фінансава-эканамічную сітуацыю ў краіне і блакаванне шэрагу незалежных навіновых рэсурсаў.