Праваабарончая праграма “Людзьмі звацца!” на Беларускім Радыё Рацыя
Кожны аўторак у 22:00 у эфіры незалежнай радыёстанцыі “Беларускае Радыё Рацыя” - праграма “Людзьмі звацца!”, якая асвятляе падзеі, датычныя правоў чалавека на Беларусі. Праграма складаецца з рубрык “Хроніка пераследу”, "Падзея тыдня" ды “Асоба. Дзяржава. Грамадства”.
Анонс выпуска:
“Хроніка пераследу”: вымушаны ад’езд актывіста Паўла Вінаградава з Мінску, стратэгічная цяжба Вольгі Груновай - маці расстралянага гамельчука, справаздача ПЦ “Вясна” па маніторынгу месцаў прымусовага ўтрымання ды іншыя навіны і факты.
“Падзея тыдня”: праваабарончыя мерапрыемствы з нагоды Дня правоў чалавека, прысвечаныя праблеме беларускіх палітвязняў.
“Асоба. Дзяржава. Грамадства”: госць рубрыкі - дэпутат Сейма Літвы Далья Куадзіта, якая ўзяла пад свой патранаж кампанію “Праваабаронцы супраць смяротнага пакарання ў Беларусі”.
У музычных паўзах - кампазіцыіз новага альбому гурта “Крама”- “Белая вада”.
