Праваабарончы цэнтр «ВЯСНА»

Навіны за Травень 2014

19.05.2014 Брэст: незалежнага журналіста Яўгена Скрабца пакаралі арыштам на 10 сутак

Яшчэ раніцай 19 траўня, пасля таго, як Яўген заявіў хадайніцтва пра допуск да судовага разбіральніцтва адваката, суддзя вырашыў перанесці працэс на 21 траўня і вызваліў Скрабца. Аднак супрацоўнікі міліцыі, якія прывезлі журналіста ў суд, адразу заявілі, што зноў яго затрымліваюць і адвязуць у пастарунак.

19.05.2014 Судовае пасяджэнне па справе “Вольнага горада” адбудзецца 4 чэрвеня

Уладзімір Кудраўцаў у сваёй заяве просіць пераглядзець рашэння суда Крычаўскага раёна ад 10 верасня 2013 года па наноў адкрытых акалічнасцях і вярнуць яму 945 000 рублёў, спагнаных паводле рашэння суда Крычаўскага раёна ад 10 верасня 2013 года на карысць Чэрыкаўскай ПМК-280.

19.05.2014 Civil Rights Defenders нагадае пра 33 месяцы зняволення Алеся Бяляцкага

Кіраўнік шведскай праваабарончай арганізацыі Civil Rights Defenders Роберт Хорд, які збіраецца на Чэмпіянат свету па хакеі ў Менск, падрыхтаваў адмысловы хакейны швэдар з надпісам “Bialiatski” і з вялікімі літарамі: 33.

19.05.2014 Падтрымка Алеся Бяляцкага праз ААН

19 мая вядомы грамадскі ды палітычны дзеяч Юры Варонежцаў з нагоды забароны гомельскімі чыноўнікамі вулічнага шэсця ў падтрымку палітычна зняволенага праваабаронцы, віцэ-прэзідэнта Міжнароднай Фэдэрацыі за правы чалавека (FIDH) Алеся Бяляцкага звярнуўся са скаргаю у Камітэт па правах чалавека ААН.

19.05.2014 Еўрасаюз асуджае адвольныя затрыманні і арышты актывістаў у Беларусі

Пра гэта гаворыцца ў заяве Еўрапейскай службы знешнепалітычнай дзейнасці: "Мы заклікаем улады Беларусі неадкладна спыніць гэтыя дзеянні і вызваліць усіх асобаў, несправядліва затрыманых, зняўшы ўсе абвінавачванні супраць іх". Таксама ЕС паўтарае заклік да неадкладнага вызвалення і рэабілітацыі ўсіх палітычных зняволеных.

19.05.2014 FIDH: Пакуль Беларусь прымае Чэмпіянат свету па хакеі, парушэнні правоў чалавека працягваюцца (Ролік №2)

FIDH стварылa тры міні-відэаролікі, каб прыцягнуць увагу ў сацыяльных сетках да парушэнняў правоў чалавека, якія яшчэ больш відавочныя падчас чэмпіянату свету па хакеі, што праходзіць у Беларусі з 9 па 25 траўня.

19.05.2014 Патрык з Дэмакратычнай Рэспублікі Конга правёў на Акрэсціна паўгода

На сайце “Рэвалюцыйнае дзеянне” з’явіліся новыя падрабязнасці пра лёс цёмнаскурага Патрыка, якія апублікаваў адзін а адміністратыўна арыштаваных на 20 сутак актывістаў анархісцкага руху.

19.05.2014 Сёння суд над актывістам акцыі “Ежа замест бомб”

У судзе Партызанскага раёна Менска сёння разглядаецца адміністратыўная справа сацыяльнага актывіста Аляксандра Курца. Суддзя вынесла рашэнне - 15 сутак арышту.

18.05.2014 Палітвязень Мікалай Дзядок: Камусьці яшчэ цяжэй, чым мне

Палітвязень магілёўскай турмы Мікалай Дзядок падзякаваў былога палітвязьня Мікалая Аутуховіча за ліст падтрымкі, які той адправіў яму ў дзень свайго вызваленьня.

18.05.2014 Затрыманні за раздачу ежы

Пад час правядзення акцыі “Ежа замест бомб” 17 траўня ў цэнтры Менску, каля Міхайлаўскага сквера, дзе праходзіла раздача ежы, быў затрыманы сацыяльны актывіст Аляксандр Курэц.

18.05.2014 Міліцыя затрымала ветэранаў, якія прынеслі кветкі да шыльды мітрапаліту Мелхісэдэку

17 мая міліцыянты з Ленінскага РУУС затрымалі вернікаў, якія прыйшлі ўскласці кветкі да памятнай шыльды мітрапаліту Беларускай аўтакефальнай праваслаўнай царквы Мелхіседеку. Шыльда вісіць на Інстытуце тэалогіі, які месціцца ў Архіерэйскім доме на праспекце Незалежнасці 24.

18.05.2014 Брэст: заўтра суд над Яўгенам Скрабцом

У міліцэйскім пастарунку ўдакладнілі, што на Скрабца складзены адміністрацыйны пратакол за дробнае хуліганства, выходныя ён правядзе ў ізалятары часовага ўтрымання, а 19 траўня адбудзеца суд. Што канкрэтна зрабіў Яўген, у міліцыі распавядаць адмовіліся.

18.05.2014 Віцебск: грамадскасць рэагуе на знікненне планаў будаўніцтва новай паліклінікі

Жыхары мікрараёнаў Білева-1 і Білева-2 патрабуюць захавання сацыяльных стандартаў, прынятых уладамі Беларусі. Для тутэйшых насельнікаў гэта вельмі важна: яшчэ летась павінна было распачацца будаўніцтва паліклінічнага комплексу, але сёлета з планаў інвестыцыйнай праграмы гэты пункт знік, нібыта яго і не было.

18.05.2014 У Брэсце вучыліся “ведаць свае правы”

У Брэсце адбыўся семінар “Ведай свае правы”. Удзельнікамі мерапрыемства, якое было арганізавана мясцовым прадстаўніцтвам РГА “Беларускі Хельсінкскі камітэт”, былі актывісты грамадскіх арганізацый і палітычных партый, а таксама тыяі, хто жадае ведаць, як абараніць свае правы.

18.05.2014 Клімавічы: штраф замест папярэджання пасля ўказання на незаконнасць фармавання адміністрацыйнай камісіі

Магілёўскі праваабаронца Барыс Бухель лічыць, што вынесшы пакаранне ў выглядзе штрафа ў памеры 15 базавых велічынь, адміністрацыйная камісія Клімавіцкага райвыканкама проста адпомсціла Алене Марчанка за яе прынцыповую пазіцыю ў адстойванні сваіх правоў.