Праваабарончы цэнтр «ВЯСНА»

Навіны за Травень 2014

21.05.2014 Камітэт ААН прызнаў парушэнне правоў жлобінскага апазіцыянера Уладзіміра Кірсанава

Камітэт па правах чалавека ААН прызнаў, што беларускія ўлады парушылі правы сябра Жлобінскай раённай арганізацыі Беларускай партыі левых “Справядлівы свет” на правядзенне мірнага сходу, забараніўшы пікет па праблеме ліквідацыі ў краіне палітычных партый ды грамадскіх аб’яднанняў.

21.05.2014 Справа Івана Фаміна: расстраляны за чужую віну

У 1998 годзе ў лісце ў "Вясну" асуджаны да смяротнага пакарання пісаў, што быў асуджаны за забойства, якога насамрэч не здзяйсняў, а таксама апісваў умовы ўтрымання ў камеры смяротнікаў. Гісторыя Івана Фаміна атрымала працяг у 2012 годзе...

21.05.2014 Выйшла кніга Паўла Севярынца, якую ён напісаў у зняволенні

Саюз беларускіх пісьменнікаў у сваёй кніжнай серыі “Кнігарня пісьменніка” выдаў кнігу Паўла Севярынца “Беларуская глыбіня”. Зборнік складаецца з невялікіх эсэ, напісаных у зняволенні, якое Павел адбываў у вёсцы Купліна Пружанскага раёну.

21.05.2014 Аляксандр Францкевіч: Цэнтр ізаляцыі правапарушальнікаў разгружаецца ад затрыманых

Былы палітвязень Аляксандр Францкевіч 20 мая вызваліўся з цэнтра ізаляцыі правапарушальнікаў у Мінску пасля 25-сутачнага арышту.

21.05.2014 Адменены выступ «Ляпіса Трубяцкога» на фестывалі ў Расіі

Гурт «Ляпіс Трубяцкі» не прыме ўдзелу ў фестывалі Next Generation ў Ніжнім Ноўгарадзе па незалежных ад групы і арганізатараў прычынах. Прыносім выбачэнні ўсім нашым ніжагародскім сябрам і фанам», — гаворыцца на сайце беларускага гурту.

21.05.2014 Мінаховы здароўя супраць СААЗ: Беларусь не хоча быць самай пітушчай нацыяй

Міністэрства аховы здароўя Беларусі накіравала афіцыйнае пярэчанне з нагоды першага месца Беларусі ў рэйтынгу самых пітушчых краін свету.

20.05.2014 Для бярозаўскіх роварыстаў не створаны ўмовы для руху, затое створаны ўмовы для штрафаў

"Тратуары вузкія, цяжка размінацца з прахожымі, -- кажа жыхарка Бярозы Ірына Клышэйка. – Няхай для роварыстаў спачатку створаць неабходны ўмовы, тады і трэба патрабаваць выканання законаў. Лягчэй людзей караць, чым запатрабаваць у гарадскіх уладаў зрабіць умовы для роварыстаў".

20.05.2014 У Бабруйску адкрыўся Музей сталінскіх рэпрэсій (фота)

Увечары 19 траўня ў бабруйскім офісе АГП адбылося адкрыццё экспазіцыі Музея сталінскіх рэпрэсій. Усе матэрыялы, сабраныя тут, знайшла грамадская актывістка Вольга Піманава. Дакументы, якія тычацца дзейнасці аналагічнага музея Ганны Бакач, які раней працаваў у Бабруйску, прадаставіў рэдактар "Бабруйскага кур'ера" Анатоль Санаценка.

20.05.2014 Бяроза: замест вырашэння праблемы – ціск на падпісантаў скаргі

Замест вырашэння праблемы супрацоўнікі ветэрынарнай службы Бярозаўскага раёна прыехалі ў Малеч і пайшлі па кватэрах падпісантаў заявы. Яны намерыліся ўбіць клін паміж імі і іх актыўным аднавяскоўцам Анатолем Сахарушай.

20.05.2014 Следчы камітэт праводзіць праверку па факце абразы суддзі Палулеха

Следчы камітэт Савецкага раёна Менска праводзіць праверку па факце абразы жыхаром Гомеля Юрыем Рубцовым суддзі Кірылы Палулеха.

20.05.2014 Віцебскі абласны суд не задаволіў скаргу Георгія Станкевіча

Рашэнне абласнога суду пра тое, што скарга Георгія Станкевіча не задаволена, ён атрымаў толькі цяпер. З дасланай па пошце пастановы вынікае, што абласны суд не ўбачыў працэсуальных парушэнняў падчас суду над заснавальнікам і выдаўцом "Крывінкі", і не заўважыў парушэння правоў Георгія Станкевіча.

20.05.2014 Праваабарончая праграма “Людзьмі звацца!” на Беларускім Радыё Рацыя

“Асоба. Дзяржава. Грамадства”: праваабаронца Алена Танкачова распавядае пра магчымасць стварэння Інстытуту амбудсмэна у Беларусі; "Падзея тыдня": асуджэнне Еўрапейскім Саюзам адвольных затрыманняў і арыштаў, якія адбываюцца ў Беларусі ў звязку з чэмпіянатам свету па хакеі.

20.05.2014 Дашкевіча выпусьцілі з турмы, але пагражаюць крымінальнай адказнасьцю

19 траўня ўвечары з менскай турмы на Акрэсьціна выпусьцілі былога палітвязьня Зьмітра Дашкевіча, які адбыў 25 сутак арышту.

20.05.2014 Алеся Залеўскага збіраюцца судзіць за працу на “Белсат”

Па словах журналіста, у панядзелак на мабільны тэлефон ён атрымаў тэлефанаванне з Карэліцкага раённага суда Гродзенскай вобласці пра тое, што заўтра аб 11 гадзіне там будзе разглядацца адміністратыўны пратакол у дачыненні журналіста.

19.05.2014 Шведскага праваабаронцу Роберта Хорда затрымалі на "Чыжоўка-Арэне"

Кіраўнік Civil Rights Defenders Роберт Хорд 19 траўня прыбыў у Мінск для сустрэчы са старшынёй Шведскай федэрацыі хакея Крыстэрам Энглундам, каб праінфармаваць яго аб парушэннях правоў чалавека ў Беларусі. Сустрэча была прызначаная на "Чыжоўка-Арэне", дзе сёння спаборнічаюць каманды Італіі і Швецыі.