Праваабарончы цэнтр «ВЯСНА»

Навіны за 2 траўня 2014

02.05.2014 Толькі пасля правядзення талакі на разбураным пахаванні ўлады «выявілі» занядбаныя могілкі

Цікава, што толькі пасля неаднаразовага наведвання могілак гомельскімі актывістамі мясцовыя ўлады нарэшце раптам «заўважылі», і нават «выявілі» занядбаныя могілкі.

02.05.2014 Андрэя Кашэўскага ізноў вязуць у “Навінкі”

Падставай для чарговага змяшчэння актывіста ў Рэспубліканскі цэнтр псіхічнага здароўя, паслужыла нібыта скарга суседзяў.

02.05.2014 1000 дзён Алеся Бяляцкага

1000 дзён за кратамі знаходзіцца палітзняволены кіраўнік праваабарончага цэнтра "Вясна" Алесь Бяляцкі. Пра гэта ў інтэрвію карэспандэнту Радыё Рацыя Генадзю Барбарычу нагадала жонка палітвязня Наталля Пінчук.

02.05.2014 Адміністрацыя прэзідэнта пакінула зварот без разгляду: кропку паставіць суд

Жыхар Мазыра Аляксандр Канавалаў, з якім не працягнулі працоўны кантракт, адмовіўся ад дапамогі па беспрацоўі і 8 красавіка паведаміў пра гэта ў электронным звароце на імя Прэзідэнта Аляксандра Лукашэнка.

02.05.2014 Становішча 9 палітвязняў у Беларусі крытычнае (інфармацыя за красавік 2014 г.)

Міжнародная Федэрацыя за Правы Чалавека (FIDH) і Праваабарончы цэнтр «Вясна» прадставілі аналітычны дакумент аб становішчы палітычных зняволеных і абмежаванні волі ў дачыненні да грамадзянскіх актывістаў у Беларусі. У дакуменце прадстаўленая інфармацыя па стане на 30 красавіка 2014 года.

02.05.2014 Салігорцам нагадалі пра іх працоўныя правы (фота)

У Міжнародны дзень салідарнасці працоўных, які ў Беларусі традыцыйна адзначаецца 1 траўня, грамадскія актывісты Салігоршчыны распаўсюдзілі ў сталіцы шахцёраў інфармацыйныя буклеты аб праве на працу з серыі “Ведай свае правы”.

02.05.2014 Умовы ўтрымання ў Салігорскім ІЧУ палепшыліся, але праблемы застаюцца

Найперш праваабаронца адзначыў з’яўленне ў камерах умывальнікаў ды перагародак, што аддзяляюць напольныя ўнітазы. Раней зняволеным даводзілася спраўляць свае фізічныя патрэбы наўпрост на вачах у іншых сукамернікаў, а рукі ды твар можна было памыць толькі вадою з-пад унітазнага крана.

02.05.2014 Экс-кандыдат спрабуе дабіцца ад пракуратуры адэкватнай ацэнкі свайго затрымання

Валерый Каранкевіч звярнуўся са скаргай на дзеянні службовых асоб пракуратуры Хоцімскага раёна ў пракуратуру Магілёўскай вобласці. Пракурор Хоцімскага раёна І. Савасцееў напісаў былому кандыдату ў дэпутату, што “дзеянні супрацоўнікаў Хоцімскага РАУС з’яўляюцца правамоцнымі і не супярэчаць дзеючаму заканадаўству”.

02.05.2014 Баранавічы: мясцовым прадпрымальнікам не даюць памяшкання для сходу

Грамадскі актывіст і індывідуальны прадпрымальнік Мікалай Чарнавус 1 траўня накіраваў зварот да кіраўніка краіны Аляксандра Лукашэнкі, у якім просіць яго абавязаць Баранавіцкі райвыканкам прадставіць памяшканне для правядзення агульнага сходу.

02.05.2014 Андрэй Пачобут і Жанна Літвіна патрапілі ў спіс герояў інфармацыі

Міжнародная арганізацыя «Рэпарцёры без межаў» склала спіс «Сто герояў інфармацыі». У яго ўвайшлі журналісты з 65-ці краінаў ва ўзросце ад 25 да 75 гадоў.

02.05.2014 Яўгена Васьковіча перавялі ў адзіночную камеру

Як стала вядома прадстаўнікам Беларускай Хрысціянскай Дэмакратыі, палітвязня, сябра БХД Яўгена Васьковіча, якога ў апошні час адміністрацыя Магілёўскай турмы № 4 цкавала праз іншых асуджаных, пасля грамадскай хвалі падтрымкі перавялі у адзіночную камеру.

02.05.2014 Андрэй Палуда: захаванне смяротнай кары сур’ёзна ўплывае на статус Беларусі

Каардынатар кампаніі “Праваабаронцы супраць смяротнага пакарання” Андрэй Палуда і Любоў Кавалёва прынялі ўдзел у мерапрыемствах, якія адбыліся напрыканцы красавіка у Празе ў межах адзначэння 5-й гадавіны існавання праграмы Усходняе партнёрства.