Праваабарончы цэнтр «ВЯСНА»

Навіны за 7 траўня 2014

07.05.2014 Віцебскі абласны суд не разглядаў публічна справу Георгія Станкевіча

Настаўнік з Бешанковічаў, паэт і бард Георгій Станкевіч падаў касацыйную скаргу на рашэнне раённага суда, які 3 красавіка аштрафаваў яго на 50 базавых велічынь за выраб і распаўсюд газеты "Крывінка", якая выдаецца на ўласныя сродкі заснавальніка. Аднак сам Станкевіч не змог прыехаць на разгляд скаргі.

07.05.2014 Магілёў: суд не ўбачыў дыскрымінацыі

Паўлоўскі хацеў дамагчыся таго, каб яго праз суд працаўладкавані на гэтае прадпрыемства. Паводле актывіста, ён раней ужо звяртаўся з накіраваннем на працаўладкаванне ад Магілёўскага гарадскога цэнтра занятасці ў аддзел кадраў гэтага завода, аднак прыняць яго на працу адмовіліся.

07.05.2014 Гродна: 8 траўня – суд над маладафронтаўцам Станіславам Рачкелем

8 траўня ў судзе Кастрычніцкага раёна Гродна адбудзецца адміністрацыйны працэс у дачыненні актывіста “Маладога Фронту” Станіслава Рачкеля. Станіслаў разам з сябрам былі беспадстаўна затрыманы яшчэ 25 красавіка.

07.05.2014 У Магілёве незалежны прафсаюз Радыёэлектроннай прамысловасці правёў акцыю супраць кантрактнай сістэмы (фота)

Мясцовыя актывісты апранулі тэматычныя майкі з надпісам "За Беларусь без кантрактаў" і раздалі мінакам прафсаюзныя бюлетэні. Мерапрыемства было накіравана на прыцягненне ўвагі грамадскасці да праблемы, якая звязаная з працоўнымі кантрактамі.

07.05.2014 Бабруйчан інфармавалі наконт "георгіеўскіх стужак"

-Я ўзяў стос асобнікаў газеты "Новы Час" ад 2 траўня, дзе на першай паласе размешчаны артыкул Сяргея Пульшы пад назвай "Парадокс "георгіеўскай стужкі", - кажа Віктар Бузінаеў. - Там даходліва ўсё тлумачыцца, і дадатковыя каментары не патрабуюцца.

07.05.2014 Аляксандра Сцепаненку папярэдзілі, каб не “рыпаўся” пад час ЧС па хакеі

Актывіст АГП Аляксандр Сцепаненка напісаў ў Facebook аб тым, што нядаўна вярнуўся з апорнага пункта аховы парадку № 83, дзе з ім была праведзеная "прафілактычная размова". Сцепаненку афіцыйна папярэдзілі пра "недапушчальнасць здзяйснення супрацьпраўных дзеянняў" падчас правядзення ў Мінску чэмпіянату свету па хакеі.

07.05.2014 Пачаўся суд над Андрэем Ткачовым

У Савецкім судзе Менска судзяць Андрэя Ткачова, вядомага раней, як мадэратара суполак «Толькі ШОС!» і «Надакучыў нам гэты Лукашэнка» у сацыяльнай сетцы «Укантакце».

07.05.2014 Затрыманы Леанід Кулакоў

Супрацоўнікі міліцыі ў другой палове дня 7 траўня затрымалі актывіста кампаніі "Еўрапейская Беларусь” Леаніда Кулакова. Зараз яго вязуць у Першамайскі РУУС Мінска.

07.05.2014 Кіраўніка Östgruppen Марціна Углу не пусцілі ў Беларусь напярэдадні ЧС-2014

Кіраўніка шведскай праваабарончай арганізацыі Östgruppen Марціна Углу, які намерваўся наведаць Беларусь, затрымалі ў транзітнай зоне нацыянальнага аэрапорта “Мінск-2”. Як стала вядома праваабаронцам, Углу прапанавалі набыць зваротны квіток, альбо чакаць нядзелі, паколькі на гэты дзень ён мае зваротны квіток у транзітнай зоне.

07.05.2014 Затрыманні і арышты напярэдадні Чэмпіянату свету па хакеі-2014 працягваюцца (спіс дапаўняецца)

У Беларусі працягваюцца адвольныя затрыманні і арышты грамадзян звязаныя з правядзеннем Чэмпіянату свету па хакеі-2014.

07.05.2014 Следчыя настойліва запрашаюць да сябе актывіста АГП Зміцера Кавалгіна

6 траўня дамоў да актывіста АГП Зміцера Кавалгіна заявіліся двое супрацоўнікаў СК. Дома была толькі маці, якая дала ім тэлефон Зміцера. А сёння следчыя па тэлефоне настойліва запрасілі актывіста на размову.

07.05.2014 Бабруйск: Актывістку ледзь не збілі з-за "георгіеўскіх" сцяжкоў (фота)

"Калі я адыйшла бліжэй да двароў, дзе было мала людзей, гэты прадавец дагнаў мяне і пачаў жэстамі патрабаваць, каб я аддала яму фотаапарат, махаў кулакамі, жэстамі паказваў, што мне будзе дрэнна, калі я гэта не зраблю. Мне стала не па сабе, ён бы мог мяне пабіць, гледзячы па настрою".

07.05.2014 Гендырэктар “Граніту” на прадпрыемства актыўных грамадзян не бярэ

У гэтым пераканаўся чарговы прэтэндэнт на працу на гэтым прадпрыемстве, экс-кандыдат у гарадскі і абласны саветы Віталь Каліноўскі, якога на “Граніт” накіраваў цэнтр занятасці ў сувязі з наяўнасцю свабодных вакансій.

07.05.2014 Баранавічы: талака каля Крыжа сталінскіх ахвяраў

Прадстаўнікі грамадзянскай супольнасці Баранавічаў 6 траўня арганізавалі талаку ў скверы на скрыжаванні вуліц Смаленская і Пірагова, дзе ў 1992 годзе быў усталяваны Крыж – знак памяці пра ахвяраў бальшавіцкіх рэпрэсій 1939-1953 гг.

07.05.2014 У Гомелі міліцыя затрымала Зміцера Карашкова

Раніцай 7 траўня ў Гомелі міліцыя затрымала каардынатара ініцыятывы «Хопіць піць – трэба жыць» Зміцера Карашкова. Прычыны і абставіны затрымання невядомыя. Малады чалавек толькі паспеў сказаць па тэлефоне свайму паплечніку Кастусю Жукоўскаму, што ён затрыманы міліцыяй, і ў яго забіраюць мабільны тэлефон.