У Магілёве незалежны прафсаюз Радыёэлектроннай прамысловасці правёў акцыю супраць кантрактнай сістэмы (фота)

Мясцовыя актывісты апранулі тэматычныя майкі з надпісам "За Беларусь без кантрактаў" і раздалі мінакам прафсаюзныя бюлетэні. Акцыя адбылася ў самім цэнтры горада на вуліцы Ленінскай. 

Мерапрыемства было накіравана на прыцягненне ўвагі грамадскасці да праблемы, якая звязаная з працоўнымі кантрактамі.

Паводле кіраўніцтва магілёўскай філіі незалежнага прафсаюза, кантракт з'яўляецца ўдаўкай для працоўнага чалавека і не пакідае яму магчымасці эфектыўна бараніць свае працоўныя правы.