Праваабарончы цэнтр «ВЯСНА»

Навіны за 10 сакавіка 2014

10.03.2014 Петрыкаў: мандат абяцаюць кожнаму, хто «даў на гэта папярэднюю згоду»

«Альтэрнатыўных кандыдатур у выбарчых акругах Камаровіцкага сельсавета няма. Гэта і зразумела. Няшмат сярод вяскоўцаў ахвотнікаў пры цяперашняй занятасці ўзяць на сябе яшчэ і цяжар дэпутацкіх абавязкаў. Таму ў дзень галасавання мандат даверу абавязкова атрымае кожны, хто загадзя даў на гэта сваю згоду», - упэўнена піша раённая газета.

10.03.2014 Горкі: замест “Узгорка” перад судом паўстане “БелаПАН”

10 сакавіка ў судзе Горацкага раёна Магілёўскай вобласці пачаўся разгляд пазову старшыні Горацкай раённай арганізацыі Беларускага таварыства інвалідаў Тамары Калтуновай да газеты “Узгорак” і яе рэдактара Галіны Буднай. Наступнае пасяджэнне суда ўжо з новым адказчыкам па пазову – ЗАТ “БелаПАН – запланавана на 27 сакавіка.

10.03.2014 Пікета да Дня Волі ў Оршы не будзе

Гэтым разам актывісты нават не падалі заяўку на пікет ў райвыканкам. Бо вынік стаў вядомы яшчэ на папярэднім этапе: з заяўнікамі не пагадзіліся заключаць дамовы на абслугоўванне ні міліцыя, ні медыкі, ні камунальнае прадпрыемства "Спецаўтабаза". А без такіх дамоў улады дазволу не даюць.

10.03.2014 У Гомелі міліцыя затрымала грамадскага актывіста за распаўсюд інфармацыі для ўласнікаў прыватных дамоў

10 сакавіка ў Гомелі міліцыянты затрымалі актывіста грамадскай ініцыятывы «Наша альтэрнатыва» Андрэя Папова, які распаўсюджваў у прыватным сектары інфармацыйныя буклеты «Не дай сябе развесці». Ва ўлётках была інфармацыя аб тым, якімі нарматыўнымі актамі варта карыстацца ўласнікам прыватных дамоў у выпадку прымусовага зносу.

10.03.2014 Мікалай Лазавік у справе выбараў цытуе Жан Жака Русо

У адказе, які атрымаў магілёўскі муляр Аляксей Паўлоўскі, сакратар Цэнтрвыбаркама Мікалай Лазавік скарыстаўся афарызмам французскага пісьменніка і філосафа і адзначыў, што абраза – гэта довады тых, хто не мае рацыі.

10.03.2014 Сітуацыя з правамі чалавека ў Беларусі. Люты 2014 года

Нягледзячы на вострыя дыскусіі вакол праблемы палітвязняў, іх лёс на працягу лютага заставаўся нязменным. Не адбылося ніякай пазітыўнай дынамікі і ў іншых адчувальных сферах правоў чалавека ў Беларусі. Сітуацыя заставалася закансерваванай і стабільна кепскай.

10.03.2014 Міністр Шуневіч: Сур'ёзныя змяненні закрануць Унутраныя войскі

Сур'ёзныя змяненні закрануць унутраныя войскі МУС Беларусі, паведаміў міністр унутраных спраў Ігар Шуневіч, адказваючы на пытанні ў час прамой лініі ў рэдакцыі газеты «Советская Белоруссия».

10.03.2014 Еўрапарламент лічыць палітвязнямі ў Беларусі 11 чалавек

Еўрапарламент лічыць палітвязнямі 11 беларускіх грамадзян. Гэта вынікае з адказу кіраўніка дэлегацыі Еўрапарламента па Беларусі Філіпа Качмарака на запыт БелаПАН з просьбай пракаментаваць сітуацыю з палітвязнямі.

10.03.2014 Суд па справе "Стоп падатак" пакінуў у сіле рашэнне ДАІ аб штрафе

Дзмітрый Дзмітрыеў атрымаў штраф памерам 3 базавыя велічыні за тое, што нібыта падчас акцыі без патрэбы падаваў гукавыя сігналы. Абвінавачаны спрабаваў абскардзіць рашэнне ДАІ, але суд Маскоўскага раёна пакінуў яго ў сіле.

10.03.2014 Заўтра павінен выйсці на волю палітвязень Уладзімір Яроменак

11 сакавіка з арыштнага дома ў Баранавічах павінен вызваліцца актывіст міжнароднай арганізацыі «Малады фронт» (Чэхія) былы палітзняволены Уладзімір Яроменак, пра гэта паведаміла яго жонка Валянціна.

10.03.2014 Гомель: ціхія выбары, белыя аркушы замест агітацыі (ФОТА)

Да выбараў у мясцовыя Саветы засталося менш за два тыдні, а ў Гомелі пра палітычную падзею гавораць толькі плакаты на будынках «23 сакавіка – выбары ў мясцовыя Саветы». На інфармацыйных стэндах «Выбары-2014» - нуль інфармацыі, толькі белыя аркушы паперы сярод абвестак пра канцэрты зорак і спартыўныя мерапрыемствы.

10.03.2014 Гомель: кандыдата ад АГП выбарчая камісія настойліва просіць зняцца з выбараў

Ужо тройчы прасілі сябры Гомельскай гарадской выбарчай камісіі зняцца з выбараў актывіста АГП Дзмітрыя Карпенка, які зарэгістраваны кандыдатам у дэпутаты па Студэнцкай акрузе №32. Як паведаміў кандыдат, такія прапановы яму паступалі, у прыватнасці, ад сябра гарадской выбарчай камісіі Ірыны Анатольеўны Абрамцавай.

10.03.2014 Суд за плакат «Аўтапошліна? Пайшлі на...»

Працэс над актывістам АГП Сяргеям Пальчэўскім адбудзецца сёння ў Савецкім судзе Менску.

10.03.2014 Брэсцкія ўлады забаранілі запланаванае на 10 сакавіка шэсце ў знак салідарнасці з украінскім народам

Як паведаміў заяўнік акцыі, старшыня Брэсцкай абласной арганізацыі Аб'яднанай грамадзянскай партыі Уладзімір Вуек, з адказу гарвыканкама вынікае, што маршрут шэсця праходзіць бліжэй чым за 50 метраў ад адміністрацыйных будынкаў, а гэта забаронена законам “Аб масавых мерапрыемствах”.