Праваабарончы цэнтр «ВЯСНА»

Навіны за 23 сакавіка 2014

23.03.2014 Бабруйск: Назіральніка выдалілі з участка

"На ўчастак прыйшла дзяўчына і прынесла торбу, якую выпадкова забылі ў яе кватэры сябры ўчастковай камісіі. Я пацікавіўся, ці рабіла яна запыт на іх візіт, і яна сказала: "не, яны самі прыйшлі, і я прагаласавала". Натуральна, я паведаміў сябрам камісіі, што яны парушылі закон, і яны былі вымушаныя выкрэсліць імя гэтай дзяўчыны са спісаў".

23.03.2014 Валерыя Каранкевіча адпусцілі з міліцыі

Па словах Валерыя Каранкевіча, загад адпусціць яго з будынку Хоцімскага РАУС даў адзін з мясцовых міліцэйскіх начальнікаў. Ніякага пратакола на яго не складлалі, адзінае, што з яго ўзялі вуснае абяцанне аб тым, што ён абавязкова з’явіцца ў Хоцімскі РАУС для разгляду заявы.

23.03.2014 Гомельскага назіральніка выдалілі з участка пры падліку бюлетэняў

«Міліцыянер вывеў мяне з участка, прычым афіцыйна мне не выносілі папярэджання, не складалі нейкіх папер ці актаў, проста брутальна па вуснаму загаду старшыні вывелі з участка ў той момант, калі пачаўся падлік галасоў".

23.03.2014 Хоцімск: міліцыя затрымала кандыдата ў дэпутаты

Кандыдата ў дэпутаты Магілёўскага абласнога Савета дэпутатаў па Хоцімскай выбарчай акрузе №54 і адначасова кандыдата ў дэпутаты Хоцімскага райсавета па Узбярэжнай выбарчай акрузе №13 Валерыя Каранкевіча каля 20-00 затрымалі супрацоўнікі міліцыі і даставілі ў мясцовы РАУС.

23.03.2014 Гомель: старшыня камісіі адмаўляецца прадстаўляць назіральніку інфармацыю і пагражае міліцыяй

«Інфармацыю хоць якую адмаўляецца прадастаўляць, напрыклад, колькі бюлетэняў павезлі на галасаванне па дамах, колькі было заявак, пагражае мне нейкай адказнасцю, міліцыяй, не дазваляў тут здымаць журналістам".

23.03.2014 У Гомелі назіральніку не дазволілі ехаць з членамі камісіі да выбаршчыкаў на дом

«Я заўважыла, што старшыня камісіі выдаў вялікі стос бюлетэняў членам камісіі, якія сабраліся выехаць з урнай на дом. Між тым, было толькі 64 заяўкі ад выбаршчыкаў, а бюлетэняў бралі чамусьці значна больш".

23.03.2014 Карэспандэнтка БТ прыгразілася "стукнуць мікрафонам" назіральніцу і кандыдатку

"Работнікі тэлебачання пачалі апраўдвацца, маўляў, людзям адразу цяжка гаварыць на камеру, яны бянтэжацца…Вось вы, маўляў, ці змаглі б так адразу… Я сказала: "Лёгка!" Але замест каб узяць інтэрв'ю, вядучая мяне абняла і прашаптала на вуха: "Зараз цябе мікрафонам як стукну па галаве!"

23.03.2014 На ўчастку Лагойскай акругі ў Менску просяць прызнаць вынікі галасавання па хатах несапраўднымі

На палове бюлетэняў, якія ўзялі з сабой сябры участковай камісіі для галасавання на даму, не было ні аднаго подпіса сябраў камісіі.

23.03.2014 Жодзінскія "выбарчыя рэкорды"

Датэрміновае галасаванне на мясовых выбарах у Жодзіне па афіцыйных звестках выбухнула рэкордам у 30% прагаласfваўшых.

23.03.2014 На Ахоцкай выбарчай акрузе прасоўваюць сацыял-спартоўца?

На такую думку наводзіць фотаздымак з фае сярэдняй школы №172 Заводскага раёна Мінска, у якой знаходзяцца выбарчыя ўчасткі № 7-9. Але галоўнае - ён сведчыць пра парушэнне правілаў агітацыі кандыдатам ад БССП Ігарам Русакевічам.

23.03.2014 Барысаў: Пазаштатнай фотакарэспандэнтцы БелаПАН не дазволілі здымаць на выбарчым участку

Валянціна Зянкова збіралася асвятляць працэс галасаваня на ўчастку № 59 па Барысаўскім раёне.

23.03.2014 Фотафакт: На выбарчых участках у Салігорску гукаюць вясну

У Салігорску калектывы творчай самадзейнасці водзяць карагоды на выбарчых участках наўпрост каля скрыняў для галасавання. Удзельнікі імпрэзаў адначасова “святкуюць” выбары, гукаюць вясну ды спяваюць вяснянкі.

23.03.2014 Лукашэнка гатовы падпісаць прашэньні пра памілаваньнe ад палітвязьняў

Пра гэта кіраўнік краіны заявіў, адказваючы на пытаньні журналістаў пасьля галасаваньня на выбарах дэпутатаў Менгарсавета на ўчастку № 1 Вясьнянскай выбарчай акругі № 39.

23.03.2014 Ярмошына: Выбаркамы атрымалі 753 скаргі

Выбаркамы атрымалі 753 скаргі з пачатку кампаніі па выбарах дэпутатаў мясцовых саветаў, - заявіла старшыня ЦВК Лідзія Ярмошына.

23.03.2014 Цуды датэрміновага галасавання ў Мазыры: 335 чалавек за 240 хвілін

«Згодна з дадзенымі назіральніка, які быў на ўчастку з 16.00 да 19.00, там прагаласавалі 38 чалавек. Тады выходзіць, што з 10 да 14 гадзін свае галасы аддалі 335 выбаршчыкаў, гэта за 240 хвілін! Вось такія рэкорды паставіла ўчастковая выбарчая камісія», - зазначыў Міхаіл Караткевіч.